ஏந்திசைச் செப்பல் வெண்பா

வெண்பா மேடை - 37
　　　　
ஏந்திசைச் செப்பல் வெண்பா
　　
மண்ணழகு பூத்தாடும்! மாண்பழகு கூத்தாடும்!
விண்ணழகு கோத்தாடும் பெண்ணழகே! - கண்ணழகு
தண்ணழகு காத்தாடும்! தண்டமிழின் சீரேந்திப்
பண்ணழகு மூத்தாடும் பார்!
　　
வெண்சீர் வெண்டளை மட்டும் பயின்றுவரும் வெண்பாவில் அமையும் ஓசை ஏந்திசைச் செப்பல் ஆகும். [ஈற்றுச்சீர் அல்லாதன யாவும் காய்ச்சீர்களாக வரவேண்டும்]
　　　　
ஏந்திசைச் செப்பலோசை வெண்பா ஒன்றை விரும்பிய பொருளில் பாடுமாறு பாவலர்களை அன்புடன் வேண்டுகிறேன்.
　　　　
"பாவலர் பயிலரங்கம்" என்ற குழுவில் இணைந்து தங்கள் வெண்பாவைப் பதிவிட வேண்டுகிறேன்!
　　
அன்புடன்
பாட்டரசர் கி. பாரதிதாசன்
தலைவர்:
கம்பன் கழகம் பிரான்சு
உலகத் தொல்காப்பியத் தலைமை மன்றம்
27.01.2017